一年

一年了，別了妳已有一年了...

好辛苦捱完個碩士課程，日以繼夜寫論文。如果妳在，妳一定會對我說：「阿女，咁辛苦唔好讀啦，夠架啦！」妳由會考，跟住高考，到大學，講到碩士，妳見我讀得辛苦，不忍心。我終於讀完，但妳已經唔係我身邊...好想再一次聽妳說：「我個孫真係叻!」，無啦，我永遠都唔會再聽得到了！

近日天氣陰晴不定，以前妳總會留意天氣報告，我出門前問：「今日會唔會落雨?」妳總能給我一個答案，但而家我問，得來的答案係：「我點知呀，自己睇吓新聞啦。」

晴天，掛住妳，妳走的那一天是一個大晴天。

陰天，想著妳，想妳的每一句話。

嫲嫲，懷念和妳相處的每一刻.....

冬

冬，今年是同黎A屋企人一起食飯。

他的嫲嫲剛巧坐在我的對面...

今年的冬節，沒有了妳...再無機會同妳做冬，再不能等年初一向妳討利是...

嫲嫲，妳現在生活如何呀？

我好掛住妳呀...好掛住好掛住妳...

Moody‧京都

輾轉乘坐地鐵、JR、火車、電車，到達人間仙境 --- "貴船"

貴船神社

離開貴船，尋找-- "嵯峨野"

下車後，漫步嵐山渡月橋

精美"竹"晚餐

風和日麗金閣寺

氣勢磅礡清水寺

古色橫街

古香小巷

多謝你，我的朋友!

今日我既一個病人，其實都已經係我既朋友，我們互相陪伴大家走過人生中既低潮，可能命中既安排，我們既相遇，係一種緣份。

今日佢一柺一柺拿著兩盒蛋糕上嚟診所，大既個盒蛋糕，係買俾我同各人分享；小既，佢話代嫲嫲買俾我食...仲係我耳邊輕唱生日歌...好感動，忍住唔喊，因為係Waiting Area有好多病人...

多謝你，希望你早日痊癒，老公愛錫，仔女聽話，一齊開開心心。

名曲滿天星?!

勤練Saxophone...因為欠老師三首歌...

吹著吹著...口唇也破...痛...

就在此刻...見到我盒長笛...

好...我決定吹Saxophone之餘...吹埋你...YEAH!!!